Inverno tradicional: contada con Celso Fernández Sanmartín

O mércores, día 19, o alumnado de 2º ciclo de Primaria gozou dunha sesión de contacontos a cargo de Celso Fernández Sanmartín, especialista na narrativa oral e na recolleita de contos e historias de vida de tradición oral; tema moi acaído no noso proxecto de centro. Esta actividade foi promovida e sufragada pola Secretaría Xeral da Lingua.

Celso deleitounos con historias de feiras, camiños, lareiras, trabalinguas, cancións… relatadas con toda a riqueza oral da nosa lingua e das que participamos activamente. Foi unha xornada moi divertida e enriquecedora. 

Moitas grazas, Celso! Foi un auténtico pracer.