Estreamos mobiliario

 

Festexamos a Rosalía

Hoxe, co motivo do aniversario de Rosalía de Castro o alumnado realizou diferentes actividades:

• Os nenos e nenas de 5° Educación infantil traballaron algún poema e coloreárona vestida co traxe tradicional galego.

 

• En 6° de infantil o alumnado fixo homenaxe a Rosalía de Castro elaborando unha bandeirola co billete de Rosalía. Aproveitando que estamos a traballar a volta o mundo e neste caso as moedas e billetes.

 

• O alumnado de 4ºB rendeulle unha pequena homenaxe á nosa meirande icona da lingua e cultura galegas. Cunha ofrenda de flores e o recitado do poema “Vamos bebendo!” recordamos a importancia de honrar aquelas figuras grazas ás que mantémola nosa identidade e, á súa vez, de gozar do día a día mentres nos esforzamos en ser mellores.

 

• Sabendo que Rosalía de Castro foi unha das grandes poetisas galegas que rendeu tributo á rosa, ao carballo, ás silveiras, etc., e tendo en conta o feito de que recentemente o alumnado de 3°A elaborou un herbario na área de Ciencias Naturais; aproveitamos para afondar tanto no coñecemento da vida de Rosalía coma no mundo das plantas coa axuda do fermoso libro "O herbario de Rosalía".

 

• O alumnado de 2°, 6° A  e 5ºC realizaron murais na súa homenaxe.

 

• O alumnado de 5º C cantou nos grupos de 5 anos A e B, 2⁰A, 4⁰B e 5⁰A e B.

 

 Parabéns, benquerida Rosalía!!!

Álbum na páxina web do centro

O CENTRAD agasállanos coa súa exposición itinerante de traxes tradicionais.

 Esta semana tivemos a fortuna de recibir, por parte do CENTRAD, varios traxes tradicionais galegos, de adulto e neno e de traballo e festa que estarán expostos tanto na nosa lareira como na primeira planta do centro e dos que poderemos desfrutar todo este mes.

Ademais cos traxes, recibimos guías didácticas e de traballo para que o noso alumnado poida coñecer máis acerca dos nosos traxes tradicionais.

Aprendemos coas familias acerca dos instrumentos de vento

 O venres día 21 de febreiro, o alumnado de E. Infantil gozou e participou da visita de Pablo Gómez, avó de Noa Gómez de 4º de Infantil B. 

Pablo presentounos diferentes instrumentos de vento: frauta travesa, punteiro, ocarina, frautín antigo de buxo, unha abelá, un tubo e a gaita. Vimos as distintas partes, participamos na súa montaxe e escoitamos o seu son.

Ensinounos recitados musicados e batemos palmas para acompañalo. Tamén trouxo a súa guitarra e cantounos varias cancións.

Ademais foise vestindo co traxe tradicional e fomos vendo as distintas pezas.

Pasámolo moi ben!

 

Moitas grazas, Pablo! Ata outra.

Segunda entrega do club de lectura de adultos

Segunda entrega do club de  lectura de adultos. A obra escollida para esta ocasión é As alumnas de Paula Carballeira,  Premio Nacional de Literatura Dramática 2023.

Esta peza de teatro foi escrita a partir dunha proposta de Fran Rei como representante de Culturactiva. Elvira Fontao e Rosa Lires, antigas alumnas de María Barbeito, volven atoparse na data da morte da mestra, no ano 1970. Xa son mulleres. Atrás queda a infancia, o mundo que lles abriu a mestra antes de que o Comité de Depuración a afastase do seu traballo na escola. Así, a memoria, as lembranzas que se van desenvolvendo neste xogo de persoas adultas que é o teatro, fannos descubrir como as decisións que se tomaron, e o medo e a rebeldía, marcan o seu destino.

Maternando a lingua: familias

O pasado martes 18 de febreiro tivemos o pracer de recibir no centro a primeira avoa que colabora connosco nas actividades programadas para o Entroido e o 8M no marco do Proxecto Documental Integrado “RE-TRANS-MISIÓN: Aturuxos que resoan”.  A cerna deste proxecto é dar voz á tradición feminina onde as nosas devanceiras acheguen costumes, formas de vida e a lingua nai ao alumnado, especialmente neste ano onde as Letras Galegas homenaxean ás cantareiras e a poesía popular oral. 

Arredor da nosa lareira demos inicio aos “Contos arredor do lar”, onde María Laura Virginia Brigos Cuñarro, avoa chantadina dunha alumna e alumno do centro, veu expoñernos como era antano e como é agora o oficio de costureira e modista. De familia de xastres cunha longa tradición, achegounos tanto obxectos como o método da confección, non se aportarnos diversos e interesantes datos sobre a vida cotiá na Galicia rural de fai aproximadamente 60 anos. O alumnado de 4º e 6º gozamos das súas ensinanzas, máis aínda cando no Entroido tradicional do centro iremos representando ao gremio citado. Moitas grazas, Laura, pola túa disposición e clase maxistral!

 

Obradoiro de artesanía co artesán Luis Castro

Onte, día 14 de febreiro, o alumnado de 3º de Primaria recibiu unha agradable e moi interesante visita.

Luis Castro, artesán da cadeira da aldea de Tórdea- Castroverde, segue o oficio que comezou o seu avó e o seu pai, elaborar asentos de xeito moi tradicional.

Luis contounos moitas cousas, ademais vimos diferentes tipos de cadeiras: de comedor, de colexio, reclinatorios, de costura…e tamén nos deu unha clase práctica de como facer un asento trenzando xunga(xunca)

Moitas grazas a Luis polas súas ensinanzas e a súa paciencia. Ata outra!

Xa temos os petos do noso voluntariado!!

Formámonos en igualdade

Hoxe martes día 11 de febreiro rematou o programa socioeducativo do Concello de Lugo en materia de Igualdade. Este incluíu 3 formacións en aula para o alumnado de 5º e 6º. Un encontro aberto para familias e profesorado e finalizou coa colocación de dous puntos violeta para informar ao alumnado do seu funcionamento.

Tempos de Candeloria e de Entroido

 O 2 de febreiro, no medio do inverno, descubrimos a Candeloria. É esta unha tradición moi relacionada co medio natural, medran os días e a natureza comeza a prepararse. As aves fanse máis presentes e máis audibles. Non deixedes de observalas e escoitalas!

Por certo, igual non sabiades que o mes de febreiro tamén recibe o nome de candeloria.

No colexio tamén estamos recordando os entroidos tradicionais traballados no curso pasado. Ao mesmo tempo ímonos preparando para recibir o Entroido deste curso.

E é cousa do Menéndez,

o que ocorra desta vez!

O Entroido vai ser moito,

na festa do vinte e oito.