O día 8 de maio celebramos a tradicional festa dos Maios. Unha festa que celebra a chegada da primavera. Presente en moitos países europeos, en Galiza vaise mantendo e recuperando.
O alumnado de E. Infantil e de 1º de E. Primaria crearon dous maios, un grande e outro pequeno coas plantas e flores traídas das casas (xestas, calas, rosas, fentos, fiúncho, pampillos, margaridas…) así como alfombras florais no porche de Infantil. Un curso máis contamos coa colaboración de Pilar e Emilio na parte musical, e con Raquel e Candela de 6ºC acompañando coas súas pandeiretas e cunha cantiga de creación propia. Tamén cantamos a canción de “O canciño” de Uxía Lambona e a Banda Molona.
Tivemos un mercado de flores e fixemos un taller de pintura de flores. Foi marabilloso! Un día cheo de cor, música e alegría.
Moitas grazas a Pilar e a Emilio, a Candela e a Raquel e moitas grazas ás familias por aportar plantas e flores que perfumaron e encheron de cor o colexio.
Ningún comentario:
Publicar un comentario