O alumnado de 6º de Primaria participou o 15 de maio, na gravación do programa “Hoy por Hoy” de Cadena Ser, convidados por Sara Meijide co motivo da 40 Feira do Libro que está a desenvolverse na Praza Maior da nosa cidade ata o 17 de maio. Aproveitando que o próximo domingo celebramos o Día das Letras Galegas, e guiados polo bo saber facer de Sara, os nenos e nenas gozaron dun programa radiofónico en directo no que leron fragmentos de escritores lucenses xa homenaxeados como Xela Arias, Manuel María e Leiras Pulpeiro; participaron nun Trivial literario onde fixeron de ávidos reporteiros, coñeceron o proceso de elaboración dun conto coa autora viveirense Elena Cienfuegos, aprenderon curiosidades científicas con Cintia Folgueira, participaron na entrevista á organizadora da Feira, coñeceron a Lois Pérez e Luis Valle e xogaron ao “Tutti Frutti” amosando os seus vastos coñecementos literarios.
Grazas a Cadena Ser e a Sara Meijide por esta oportunidade. Xa estamos máis cerca do carné de expertos na radio!
Ningún comentario:
Publicar un comentario