O 20 de marzo chegou a primavera, o inicio de ciclo que agardamos cada ano. Todo reverdece e agroma.
No colexio comezámola coñecendo o Día dos enganos, unha tradición que ten lugar o día 1 de abril. Consiste en dar noticias falsas para enviar ás persoas onde non deben ir e outro tipo de brincadeiras.
Chegamos aos maios, a festa da primavera. Unha festa popular de orixes ancestrais que imos celebrar na primeira semana de maio. Ao mesmo tempo empezamos xa os preparativos para celebrar o Día das Letras Galegas de 2025, data especial na que se honra á poesía popular oral, que de maneira simbólica e representativa se personifica nun grupo de mulleres cantareiras e pandeireteiras.
Comentarios
Publicar un comentario