O luns, día 20, recibimos a visita de Manuel Bragado, mestre, pedagogo, editor, escritor, dinamizador cultural, un referente para a cultura galega. Veu desde Vigo acompañado por Montserrat Paz, docente e tradutora galega. Manolo e Montse foron presentados por nenas e nenos de 6º de E.I.
Trouxéronnos a “Dona Carme”, un conto acumulativo do que gozou todo o alumnado de E. Infantil. Este conto foi escrito por Manolo fai anos e recuperado nunha nova edición ilustrada por Iván R. en Triqueta Editora, dentro da colección "Canto conto conta".
Gozamos, interactuamos e participamos del e con el. Gustáronnos moito os animaliños de Dona Carme e aprendemos moitas cousas co conto e con Manolo. Nós tamén contamos cos nosos propios animaliños e cantamos. Seguiremos aprendendo e traballando o conto nas clases coas nosas mestras. A nosa biblio conta agora cun exemplar dedicado grazas a eles!
Moitas grazas Manolo e Montse pola vosa xenerosidade, ensinanzas e agarimo!
Ningún comentario:
Publicar un comentario