Chegou a semana de celebración do Entroido. Para comezar e durante os días previos puxemos os mandados do Meco Verde, deste xeito divertido fomos facendo boca para a chegada do día grande.
O venres celebramos o Entroido. A fraga de Cacho Púas viviu por uns minutos no interior do centro: flora, fauna e mitoloxía combináronse e harmonizáronse con tradición, creatividade e coidado e coñecemento do medio ambiente.
Como ben dixeron as nosas presentadoras e presentadores de 6º: “O Entroido non é só disfrace e diversión: é unha celebración que nos conecta coas nosas raíces, coa lingua, coa música e coa maneira que tivo sempre o noso pobo de entender a vida e a natureza.”
Unha fraga chea de vida! Un Entroido na e coa natureza!
A FRAGA DE CACHO PÚAS
- EI: Lobas e lobos ibéricos/ gatas e gatos monteses. Cancións: " Lobo feroz", "O gato metido nun saco" de A Roda.
- 1⁰: Árbores da fraga. Poema "As árbores da fraga" de Xosé Lois Seixo Fernández. Música de Fol do Vento
- 2⁰: Animais da fraga. "O lobo". “Os soños na gaiola” de Manuel María. Música Suso Vaamonde
- 3⁰: Meigas e meigos. Conxuro acompañado da peza "A marcha das meigas" de Mago de Oz
- 4⁰: Superfentos. "A árbore de Manolo" de María Fumaça
- 5⁰: Biodiversidade. O Verdegaio (Cantiga popular). Regueifas na fraga
- 6⁰: Trasgos e ninfas/fadas do bosque. Cancións: "Os trasgos" e "O Entroido xa chegou" (IA)
Damos as grazas ás familias pola inestimable colaboración.
Ningún comentario:
Publicar un comentario